Կորոնավիրուսի պանդեմիայի «շնորհիվ» էլեկտրոնային առևտուրն իր վերջնական ու դոմինանտ տեղը հաստատեց առևտրի ոլորտում ու ընդհանրապես ռադիկալ փոխեց առևտրի մասին եղած դասական, հաճախ՝ քարացած պատկերացումները։
Էլեկտրոնային առևտրի հաղթարշավի մասին երկար կարելի է խոսել, բազմաթիվ օրինակներով, բայց եկեք կենտրոնանանք մեկ օրինակի վրա։ Այն էլ ինչ օրինակի՝ տեղական ։
Հանրահայտ Ask.com-ը և Insider.com-ը կատարել են անդրադարձ Կովկասում էլեկտրոնային առևտրի (e-commerce) ոլորտի զարգացման միտումներին, որպես հաջողված օրինակ էլ վերցրել է հայկական Globbing ընկերությունը:
Ask.com-ն ու Insider.com-ն ընդգծում են, որ Հայաստանում e-commerce ոլորտը սկսել է արագ տեմպերով զարգանալ դեռ 5 տարի առաջ․ դա պայմանավորված էր շուկայում «Գլոբբինգ» ընկերության ի հայտ գալու հետ, որին հաջողվեց մի քանի տարում լիովին փոխել գնումների մշակույթը Հայաստանում։
Ինչպես ընդունված է ամերիկյան հոդվածագրության մեջ, համեմատական զուգահեռները տարվել են հենց ամերիկյան հաջողված ընկերության հետ։ Եվ այդ ընկերությունը ոչ ավելի, ոչ պակաս՝ Ամազոնն է։ Online Shopping Network-ը «Գլոբբինգ»-ի աջակցությամբ 2,95 մլն բնակչություն ունեցող Հայաստանի ողջ տարածքում տեղադրել է արդեն 125-ից ավել ժամանակակից լոքեր` օժտված Touch ID, NFC անհպում վճարման համակարգերով, որոնցից հնարավոր է ստանալ նաև «Գլոբբինգ»-ի միջոցով կատարած պատվերները։ Միևնույն ժամանակ «Ամազոն»-ը ունի մոտ 20 000 լոքեր՝ 328.2 մլն բնակչությամբ ԱՄՆ-ում։ Այսպիսով, գերժամանակակից լոքերների քանակով Հայաստանը գերազանցում է ԱՄՆ-ին, եթե նկատի ունենանք երկու երկրների բնակչությունը։
Սա ահռելի հաջողություն է, երբ ներքին փոքր շուկա ունեցող պետությունում ստեղծվում է մի ընկերություն, որը համեմատական զուգահեռներով գերազանցում է Ամազոնին։
Բազմաթիվ հետազոտություններ փաստում են, որ անգամ պանդեմիայի լիարժեք հաղթահարումից հետո աշխարհն այլևս առաջվանը չի լինի։ Արդեն բազմաթիվ խոշոր ընկերություններ վերադասավորվել են, անցել են տնային ռեժիմի։ Ինչ վերաբերում է էլեկտրոնային առևտրին, ապա, ինչպես վերջերս ընդունված է ասել, հնին վերադարձ այլևս չի լինի։ Կանխատեսվում է, որ 2021-ին օնլայն գնումների մասնաբաժինը բոլոր ապրանքների և ծառայությունների վրա կատարած ծախսերի մեջ կկազմի մոտ 20-30%։ 2020-ին այդ ցուցանիշը կազմել է 20%, մինչդեռ 2019-ին` ընդամենը 14%: