Մայիսի 27-ի լույս 28-ի գիշերը տեսախցիկները ֆիքսել են, որ Հրազդան քաղաքի մոտակայքում, Հանքավանի շրջանում երկնաքար է ընկել: Արտակարգ իրավիճակների նախարարությունից Ittrend-ի հետ զրույցում ասացին, որ մի քանի ահազանգ ստացել են քաղաքացիներից, սակայն որևէ իրեղեն բան չեն գտել, ընդ որում, ընկնելու վայրի մասին տեղեկություններն էլ իրարամերժ են:
Ենթադրվում է, որ այն վաղուց վթարի ենթարկված բոլիդի մասեր են, որոնք հսկայական արագությամբ հատել են մթնոլորտի սահմանը, որտեղ էլ՝ մի քանի կիլոմետր բարձրության վրա սկսել է այրվել: Իրականում սա անհավանական նախադեպ է, քանի որ հավանականությունը, որ բոլիդի մասերը կարող էին հասնել Երկրին, իսկ հավանականությունը, որ այդ բոլիդի մասերը կտնեն, ձգտում է զրոյի: Դրա համար կա երկու պատճառ՝ նախ տեղանքի թերթաքարային կառուցվածքը, երկրորդ, որ այրվելու ընթացքում բոլիդներն ու երկնաքարերն, այսպես ասած, տարրալուծվում են՝ վերածվելով միլիմետրանոց մասնիկների:
Արտակարգ իրավիճակների նախարարությունում տեսանյութը դեռ չեն տեսել, այժմ շարունակում են ճշտել:
Թարմացվող: