LG ընկերությունը սկսում է թողարկել WebOS-ով աշխատող հեռուստացույցներ, իսկ Panasonic-ը հայտարարել է, որ մշակում է Firefox օպերացիոն համակարգով աշխատող հեռուստացույցներ: Այս ՕՀ-ն թույլ կտա օգտվել բջջային և եթերային բովանդակությունից, ինչպես նաև ինտերնետային ծառայություններից:
Բացի այդ՝ Panasonic-ը խոստացել է, որ օգտագործողները կունենան անձնական ինտերֆեյս: Հեռուստահաղորդումների ծրագիրը և հեռուստացույցի այլ հիմնական ֆունկցիաները կնախագծվեն HTML5-ով, ինչը թույլ կտա կողմնակի մշակողներին հավելվածներ պատրաստել:
Նախագիծը երկու կողմերի համար էլ արդյունավետ կլինի. Panasonic-ի արտադրանքը կհարստանա հավելվածներով, իսկ Mozilla-ն առաջխաղացման հնարավորություն կստանա խելացի հեռուստացույցների շուկայում:
Աղբյուրը՝ gizmag.com
