«Վկոնտակտե» սոցցանցի պաշտոնական հավելվածը անհասկանալի պատճառներով անհետացել է App Store հավելվածների խանութից: Այս մասին Digit.ru-ին հաղորդել է սոցցանցի մամուլի քարտուղար Գեորգի Լոբուշկինը:
«Apple ընկերության կողմից նախազգուշացում չի եղել, ջնջվելու պատճառն այժմ պարզվում է»,- մեկնաբանել է Լոբուշկինը:
Սոցցանցի հավելվածի 3.3 տարբերակը՝ նախատեսված iOS 7 օպերացիոն համակարգի համար, տեղադրվել է App Store-ում 2013-ի դեկտեմբերին: Թողարկվել է նաև Android-ի ամենավերջին տարբերակի՝ 4.4 KitKat-ի համար նախատեսված հավելված, որի ծավալը չի գերազանցում 9 Մբ-ը:
«Վկոնտակտե»-ն ռուսական ամենամեծ սոցցանցերից մեկն է. հիմնադրվել է 2006-ի հոկտեմբերի 10-ին: Ներկա պահին կայքից օգտվում է 228 միլիոն օգտագործող:
Աղբյուրը՝ digit.ru
