Warner Bros. ընկերությունը պատրաստվում է մեծ էկրաններ վերադարձնել «Ֆլինսթոունները» մուլտֆիլմը, հաղորդում է The Hollywood Reporter-ը: Ֆրեդ Ֆիլնսթոունի և իր ընկերների մասին մուլտսերիալը կդառնա երկարամետրաժ անիմացիոն ֆիլմ:
Նախագիծն առայժմ գտնվում է մշակման փուլում: Ֆիլմի պրոդյուսինգով կզբաղվի կոմիկներ Ուիլ Ֆերելը և Ադամ Մաքքեյը, իսկ սցենարի հեղինակը կլինի Քրիս Հենչին:
«Ֆլինսթոունները» հայտնի ամերիկյան մուլտսերիալ է, որը ցուցադրվել է ABC հեռուստաընկերությամբ 1960-1966 թթ-ին: Այն պատմում է քարե դարում ապրող Ֆլինսթոունների ընտանիքի և նրանց ընկերների կյանքի մասին: 1994-ին այս մուլտսերիալի սյուժեի հիման վրա թողարկվեց առաջին երկարամետրաժ գեղարվեստական ֆիլմը, իսկ 2000-ին ոչ հաջողված շարունակություն «Ֆլինսթոունները Ռոք-Վեգասում» ֆիլմը:
