World IT Show 2014 ցուցահանդեսին LG ընկերությունը ներկայացրել է նոր տիպի սմարթֆոնի կոնցեպտ, որը կոչվում է LG AKA։ Սարքը հետաքրքիր է նրանով, որ կարողանում է արտահայտել էմոցիաներ։ Ըստ ներկայացված նկարի՝ սմարթֆոնի դիմային պատյանի վրա կան անիմացիոն «աչքեր», որոնք արտահայտում են տարբեր էմոցիաներ։
Հաղորդվում է, որ սմարթֆոնը փոխում է էմոցիան՝ կախված օգտագործողի վարքից և նրա օգտագործած հավելվածներից։
LG AKA-ն կթողարկվի Հարավային Կորեայում հաջորդ ամսվա ընթացքում, սարքի տեխնիկական պարամետրերի, ինչպես նաև գնի մասին առայժմ ոչինչ չի հաղորդվում։
Աղբյուրը՝ LG