Բիլ Գեյթսը 80 միլիոն դոլար կներդնի Միացյալ Նահանգներում «խելացի» քաղաք կառուցելու համար։ Նրան պատկանող Cascade Investment ներդրողների խմբում ընդգրկված Belmont Partners ընկերությունը Արիզոնայի նահանգում ձեռք է բերել ընդարձակ հողատարածք` Բելմոնտ «խելացի» քաղաքի կառուցման համար։ Տեղական AZ Central պարբերականի հաղորդմամբ` Microsoft-ի հիմնադիրը 80 միլիոն դոլար է ներդրել այս նախագծում։
Որպես ներդրող ընկերություն պաշտոնապես Delaware LLC–ն է։ Մոտ 100 կմ քռ. տարածքում կկառուցվի 80 հազար տուն, բացի այդ կկառուցվեն նաև գրասենյակներ, դատա–կենտրոններ, դպրոցներ և այլն։ Բելմոնտն ի սկզբանե նախագծվել է հաշվի առնելով նորարար տեխնոլոգիաների կիրառումը` կներդրվի ավտոմատացված համկարգ, կկիրառվեն կանաչ տեխնոլոգիաներ և այլ ինովացիոն լուծումներ։ «Ապագայի քաղաքի» փողոցներում կհանդիպեն ինքնավար մեքենաներ։
Նշենք, որ նախորդ ամիս Տորոնտոյի արևելյան թևին նմանատիպ «խելացի» քաղաք կառուցելու մասին հայտարարել է նաև Alphabet–ի «դուստր» Sidewalk Labs ընկերությունը, որը նախագիծը կյանքի կոչեու համար կժածսի 50 միլիոն դոլար։
McKinsey–ի գնահատմամբ մինչև 2020 թվականը շուկան կհամալրվի 600 քաղաքով, ամբողջ ինդուստրիան կգնահատվի 400 միլաիրդ դոլար։