Apple ընկերությունը հայտարարել է, որ շուտով նոր համագործակցություն կսկսի աշխարհահռչակ հաղորդավարուհի Օփրա Ուինֆրիի հետ:
Ընկերությունը և Օփրան բազմամյա պայմանագիր են կնքել և պատրաստվում են միասին մի քանի ծրագիր ստեղծել: Ընկերությունը չի մանրամասնել, թե ինչ դեր է ստանձնելու Օփրան, բայց հաղորդաշարերը լինելու են օրիգինալ։
Հիշեցնենք, որ այժմ սառը պատերազմ է Apple-ի, Amazon-ի և Netflix-ի միջև: Ավելի վաղ Netflix-ը հայտարարել էր, որ մի քանի տարվա պայմանագիր է կնքել ԱՄՆ նախկին նախագահ Բարաք Օբամայի և նրա ընտանիքի հետ: Apple-ը բացի Օփրայից պայմանագրեր է կնքել նաև Սթիվեն Սպիլբերգի և Ռիզ Ուիզերսպունի հետ:
