Առաջատար տեխնոլոգիաների ձեռնարկությունների միությունը (ԱՏՁՄ) և ArmSec Հիմնադրամը հայտարարում են ՀՀ-ում գործող պետական էլ. կառավարման համակարգերի տեղեկատվական անվտանգության խոցելիությունների հայտնաբերման մրցույթների շարք:
«Մեր երիտասարդության ներուժը մեր երկրի անվտանգության ամենահավաստի երաշխիքն է» — կարծում է ԱՏՁՄ տնօրեն Կարեն Վարդանյանը:
«Չկան խոցելի կամ անխոցելի էլ. Կառավարման համակարգեր, կան չտեստավորված կամ տեստավորված համակարգեր» — համոզված է OWASP Armenia-ի համահիմնադիր Վահագն Թուխարյանը:
«Պետական համակարգը ներքին ուժերով ամբողջությամբ ապահով լինել չի կարող, միայն համայնք — պետություն համագործակցությունն է, որ կարող է իրական անվտանգություն ապահովել» — ասաց ArmSec Հիմնադրամի համահիմնադիր Սամվել Մարտիրոսյանը:
Առաջին մրցույթը կմեկնարկի հունիսի 28-ին՝ ժամը 18:00 և կտևի 20 ժամ: Կազմակերպիչներն առավել մանրամասն տեղեկատվություն կհրապարակեն երկուշաբթի օրը: Մինչ այդ նշենք, որ
հաղթող թիմերի համար նախատեսված է մրցանակ: Մրցանակային ֆոնդը կազմում է 1000 ԱՄՆ դոլար: Կլինեն նաև այլ անակնկալ մրցանակներ:
