ԴիջիԹեք 2017 բիզնես ֆորումի ընթացքում տրվեց Երևանում WITSA-ի կողմից կազմակերպվող ՏՏ համաշխարհային համաժողովի (World Congress on Information Technologies — WCIT) նախապատրաստական աշխատանքների մեկնարկը: Մաևտիկա ընկերության ներկայացուցիչ Հայկուհի Տաքսիլդարյանը ներկայացրեց WCIT 2019-ի բրենդինգը: Գործարկվել է նաև համաժողովի wcit2019.org պաշտոնական կայքը ու ցուցադրվեց WCIT 2019-ի հոլովակը:
https://youtu.be/GrW8OFe5m9Q
WCIT 2019-ը կանցկացվի 2019 թ. հոկտեմբերի 3-6-ը՝ «Վերաիմաստավորել կենտրոնը» (Rethinking the center) խորագրի ներքո:
Համաժողովի և խորագրի հիմքում ընկած են 4 կարևոր թեմաներ.
- կրթություն,
- ապակենտրոնացում,
- մարդասիրություն
- Հայաստանը որպես աշխարհի ՏՏ առաջընթացի այլ աղբյուր կամ կենտրոն:
Հայկուհի Տաքսիլդարյանը ittrend.am-ին հայտնեց որ վերջնական տարբերակի վրա աշխատել են 9-10 ամիս: «Քանի որ, սա միջազգային մրցույթ է մենք խնդիր ունեինք գլոբալ գաղափարախոսությունը, միաժամանակ լոկալ գծերը պահպանեով՝ ստեղծել ինչ-որ տարբերակ, որը աշխարհին հասկանալի կլինի ու ներկայնալի կդարձնի Հայաստանի ՏՏ ոլորտը»:
Նշենք, որ դեռևս 2014 թ-ին ԻՏՁՄ-ն Մեքսիկայում անցկացող WCIT 2014-ի շրջանակում մասնակցության հայտ է ներկայացրել և ստանձնել 2019-ին ՏՏ համաշխարհային համաժողովը Հայաստանում անցկացնելու իրավունքը: Իսկ 2015 թ. ՀՀ կառավարության հետ համատեղ ստորագրվել է համապատասխան համաձայնագիր: 2019-ին համաժողովի շրջանակում Հայաստան կժամանեն միջազգային առաջատար ընկերությունների 2000-ից ավելի ներկայացուցիչներ:
Նունե Գրիգորյան