Volkswagen ընկերության բրազիլական մասնաճյուղն այլևս չի արտադրի 60-ականների սիմվոլ հանդիսացող, արվեստասերների շրջանում լայնորեն օգտագործվող Volkswagen Transporter (T2) միկրոավտոբուսներ:
Volkswagen T2-ի արտադրությունը պաշտոնապես կդադարեցվի ս.թ. դեկտեմբերի 31-ին: Պատճառը միկրոավտոբուսի՝ ներկայիս անվտանգության կանոններին չհամապատասխանելն է, մասնավորապես՝ մեքենայի արգելակման համակարգը հին է, իսկ անվտանգության բարձեր չկան:
Նշենք, որ ստեղծման օրից ի վեր ողջ աշխարհում վաճառվել է ավելի քան 10 մլն T2: Առաջին մոդելը հայտնվել է վաճառքում 63 տարի առաջ:
Աղբյուրը՝ TheVerge.com
