Samsung ընկերությունը մտադիր է շարունակել և զարգացնել կրելի «խելացի» սարքերի նախագծումը: Galaxy Gear ժամացույցի թողարկումից հետո, հարավկորեական ընկերությունը պատրաստում է ֆիթնես-բրասլետ Galaxy Band-ը: Այս մասին լուրերը տարածվել են համացանցում՝ օնլայն մամուլում:
Մասնավորապես, նոր սարքը պարունակելու է շարժման սենսոր, ինչպես նաև ճնշման, խոնավության և այլ ցուցիչների սենսորներ: Այն հնարավոր կլինի սինքրոնիզացնել այլ Samsung գաջեթների հետ՝ Bluetooth տեխնոլոգիայի միջոցով: Բացի դրանից, կա հավանականություն, որ նախագծողները մշակում են սարքի՝ ձայնային կառավարմամբ օգտագործելու տեխնոլոգիան:
Վերլուծաբանների կարծիքով, Galaxy Band-ը կարող է դառնալ շուկայում առկա մի շարք նման կրել «խելացի» բրասլետների՝ Jawbone UP-ի, Nike FuelBand-ի և այլնի մրցակիցը:
Հնարավոր է, որ նոր գաջեթը Samsung-ը ներկայացնի 2014թ. փետրվարին՝ Mobile World Congress ամենամյա համաժողովի ժամանակ Բարսելոնայում (Իսպանիա):
Աղբյուրը՝ techradar.com