Twitter–ի անալոգային տարբերակում` Weibo–ում տարածվում են նոր Nokia սմարթֆոնների ռենդերները։ Չնայած, որ X6 մոդելը բյուջետային տարբերակ է, բայց տեսքը խոստումնալից է։ Սարքը կստանա առանց շրջանակի էկրան և կունենա վերևի հատվածում հայտնի «այֆոնական» կտրվածքը։ Ի դեպ` կտրվածքի մասում տեղադրվելու են երկակի տեսախցիկը և սենսորներ։
Nokia X6–ը կստանա 5,8 դյույմ անկյունագծով 19:9 հարաբերակցությամբ էկրան, USB Type-C–ի հնարավորություն, 3,5 մմ ականջակալի անցք, և Zeiss օպտիկայով տեսախցիկ։ Սմարթֆոնի հետևի հատվածում` աջ անկյունում կտեղադրվի ընկերության տարբերանշանը։
Գաջեթը կթողարկվի երկու տարբերակով` MediaTek Helio P60 պրոցեսորով և ավելի հզոր տարբերակով` Qualcomm Snapdragon 636 պրոցեսորներով։ Բնականաբար, այստեղ կլինի գնային տարբերություն։ Նույնը նաև օպերացիոն համակարգի դեպքում` սմարթֆոնները կունենան կա՛մ 4, կա՛մ 6գբ օպերացիոն հիշողություն։ Ֆլեշ հիշողությունը կլինի` 64գբ և 128գբ։ Նորույթը կաշխատի Android Oreo 8.1 օպերացիոն համակարգով։
Հետևի կորպուսին գտնվող մատնահետքի սքաները կունենա օղակ։ Նորույթը Չինաստանում կցուցադրվի այսօր։