Երեկ MWC ցուցահանդեսին Samsung-ը ներկայացրեց երկար սպասված Galaxy S5 սմարթֆոնը, սակայն հավանաբար ընկերությունը պատրաստվում է թողարկել նաև այս մոդելի երկրորդ LTE ցանցերում աշխատող տարբերակը, որը սովորաբար ստանում է այլ պրոցեսոր: Սպասվում է, որ երկրորդ մոդելը կստանա 8 միջուկանոց Exynos 6 պրոցեսոր:
Samsung Tomorrow պորտալը, որը հանդիսանում է Samsung-ի պաշտոնական լրատվական կայքը գրում է, որ LTE ցանցերում աշխատող մոդելը կստանա 8 միջուկանոց, 2,1 ԳՀց հաճախությամբ պրոցեսոր:
Exynos պրոցեսորի մասին ոչինչ առայժմ չի նշվում, սակայն դժվար թե Samsung-ն ընտրի այլ արտադրության չիպ: Արևմտյան լրատվամիջոցները գրում են, որ ընկերությունը պարզապես չի հասցրել ժամանակի մեջ տեղավորվել և արտադրել անհրաժեշտ քանակությամբ Exynos չիպեր:
Աղբյուրը՝ samsungtomorrow.com
