Google ընկերությունը պլանավորում է թողարկել կրելի սարքերի համար նախատեսված Android Wear օպերացիոն համակարգի մեծ թարմացում, որը կհեշտացնի խելացի ժամացույցների, թևնոցների և այլ սարքերի միջև կապ փոխգործողության գործընթացը։ Հավելվածները կստանան միշտ միացված լինելու ֆունկցիա, ինչի շնորհիվ էկրանի լույսը միացված կմնա։
Android Wear-ի մշակման գծով ղեկավար Դեյվիդ Սինգլտոնի խոսքով՝ Wear-ով աշխատող սարքերը կկարողանան այուհետ սինքրոնացվել սմարթֆոնի հետ Wi-Fi-ի միջոցով։
ա
Բացի այդ՝ Android Wear-ում հնարավոր կլինի թերթել մենյուն ու այլ ցուցակներ՝ առանց դիպչելու էկրանին և միայն շարժելով դաստակը։
Թարմացումը կթողարկվի մի քանի շաբաթվա ընթացքում։ Առաջինը այն կստանան LG Watch Urbane մոդելները։
Աղբյուրը՝ Google
