Այսօր, երբ կայքերը հիմնականում դիտվում են սմարթֆոնների ու պլանշետների միջոցով, կայքի mobile-տարբերակ ստեղծելը դառնում է անհրաժեշտություն։ Internet Retailer-ի անցկացրած հետազոտությունը ցույց է տվել, որ օգտագործողների 60%-ը գերադասում է սմարթֆոնն օգտագործել որպես գլխավոր սարք՝ ինտերնետ մուտք գործելու համար։
Նշենք, որ մոբայլ սարքով կայք մուտք գործելիս կա երկու ուղի, կամ համակարգը ճանաչում է կայք այցելած սարքը ու հարմարեցնում էջը տվյալ սարքի համար, կամ բացում կայքի մոբայլ տարբերակը, եթե, իհարկե, այն կա։
Իսկ որքանով են հայկական կայքերը հարմարեցված սմարթֆոններով ու պլանշետներով դիտվելու համար․ ittrend.am-ը սկսում է նոր «Mobile-friendly, թե ոչ» շարքը, որի շրջանակներում կփորձենք պարզել՝ հայկական կայքերը որքանով են օպտիմիզացված mobile-դիտման համար։ Այս հարցում մեզ կօգնի Google-ի Mobile-Friendly Test գործիքը, որը տարբեր պարամետրերով ստուգում է կայքի հարմարավետ լինելը բջջային դիտման համար։
Այսօր կանդրադառնանք Հայաստանում գործող երեք բջջային օպերատորների կայքերին, քանի որ հենց օպերատորներն են հանդիսանում շարժական կապի հիմնական տրամադրողը։
Ըստ Mobile-Friendly Test-ի՝ կայքը mobile-friendly չէ, քանի որ
- Տեքստի տառաչափը շատ փոքր է կարդալու համար,
- Հղումները տեղադրված են իրար շատ մոտ,
- Կայքն ավելի լայն է, քան էկրանը,
- Չկա հատուկ mobile-ի համար օպտիմալացված տարբերակ։
Հաջորդը փորձարկենք ՎիվաՍել-ՄՏՍ-ի կայքի բջջային տարբերակը՝ pda.mts.am-ը․
Ըստ Mobile-Friendly Test-ի՝ կայքը mobile-friendly է: Սակայն նշենք, որ ոչ միշտ է անցումը բջջային տարբերակին կատարվում ավտոմատ կերպով․ օրինակ Nexus 5-ից (Android 6.0 ՕՀ) կայք մուտք գործելիս բացվում է ամբողջական տարբերակը։
Վերջինը Օրանժ Արմենիայի կայքն է, որը նույնպես չունի բջջային տարբերակ․
Փորձարկումը ցույց տվեց, որ այս կայքը ևս mobile-friendly չէ, պատճառները հետևյալն են․
- Տեքստի տառաչափը շատ փոքր է կարդալու համար,
- Հղումները տեղադրված են իրար շատ մոտ,
- Չկա հատուկ mobile-ի համար օպտիմալացված տարբերակ։
Շարքի հաջորդ թողարկումներում կփորձարկենք նաև այլ ոլորտների կայքերը, այդ թվում՝ հայաստանյան բանկերի կայքերը։
