WhatsApp- ի համահիմնադիր Բրայան Էկտոնը կոչ է արել բաժանորդներին հեռացնել Facebook-ը՝ Դոնալդ Թրամփի նախընտրական արշավի սկանդալի ֆոնին:
«Ժամանակն է #հեռացնել Facebook-ը», – գրել է WhatsApp-ի հիմնադիրը իր միկրոբլոգում: Այս կարճ գրառումը անմիջապես ավելի քան 10 հազար հավանում է ստացել:
Հեշտեգը հայտնվել է Twitter-ի թրենդներում: Թե որքան ակտիվ են սոցցանցի օգտատերերը հեռացնում իրենց էջերը, դեռ հայտնի չէ:Հիշեցնենք, որ Facebook-ը WhatsApp-ը ձեռք էր բերել 2014 թվականին:
Ittrend.am-ը ավելի վաղ հայտնել էր, որ Facebook-ը լուրջ սկանդալի կենտրոնում է հայտնվել բրիտանական Cambridge Analytica վերլուծական ընկերությանը օգտատերերի տվյալներ տրամադրելու համար: Հենց այս 50 միլիոն օգտատիրոջ տվյալների վերլուծության հիման վրա էլ մշակվել էր Դոնալդ Թրամփի նախընտրական քարոզարշավի ուղին: