Յանդեքսի ինժեներները սկսել են «Ալիսա» ձայնային օգնականի նոր գործառույթի փորձարկման աշխատանքները: Այժմ արդեն Ալիսան կկարողանա ձայնի միջոցով զանազանել սարքի տիրոջը մյուսներից :
Նոր գործառույթն ակտիվացնելու համար պետք է ասել՝ « Ալիսա, մտապահիր իմ ձայնը»: Այնուհետև անհրաժեշտ է ներկայանալ և մի քանի արտահայտություն կրկնել նրա հետևից : Դա պարտադիր պայման է, քանի որ Ալիսան պետք է մտապահի օգտատիրոջ ձայնային առանձնահատկությունները: Այդքանից հետո Ալիսան կդիմի օգտատիրոջը անունով և կհիշի նրա երաժշտական նախասիրությունները: Ավելին, նա կառաջարկի երգեր՝ առաջնորդվելով միմիայն օգտատիրոջ նախասիրություններով:
![](https://ittrend.am/wp-content/uploads/2019/09/full_ae3407e36d8b77dcc399d0f8ab4d1201-1024x586.jpg)
Առայժմ նոր գործառույթը փորձարկվում է միայն «խելացի» սարքերի վրա, ապագայում հեղինակները կսովորեցնեն Ալիսային մի քանի ձայն տարբերակել: