Tales of Neto. հակակոռուպցիոն խաղ Թումոյի սաներից

Tales of Neto. հակակոռուպցիոն խաղ Թումոյի սաներից

Թումոյի սաները ստեղծել են ուսուցողական հակակոռուպցիոն եռաչափ (3D) խաղ, որի միջոցով յուրօրինակ ձևով ներկայացվում են կոռուպցիայի հետևանքները և առաջարկվում լուծումներ: «Նետոյի առասպելը»  (Tales of Neto) նախատեսված է 12-24 տարեկան պատանիների ու երիտասադների համար:

Խաղի ընթացքում խաղացողը ճամփորդում է կախարդական աշխարհում, որը հագեցած է կոռուպցիոն երևույթներով, ինչպեսիք են յուրացումը, իշխանության չարաշահումը, կաշառքը և այն, խաղացողի առաջադրանքն է օգնել քաղաքի բնակիչներին ընտրել ճիշտ լուծումներ դրանց դեմ, այսպիսով պայքարել աշխարհի զարգացման և բարելավման համար:

Նետոյի առասպելը ստեղծել են 16-20 տարեկան Թումոյի աշակերտները կենտրոնի մասնագետների ղեկավարությամբ և աջակցությամբ: Նախագծի վրա աշխատել են 10-15 հոգի, ղեկավարը՝ Հարմիկ Ազարյանն է: Ստեղծման աշխատանքներն ընթացել են 1 տարուց ավել: Խաղի առաջին աշխարհը կթողարկվի մայիսին: Ամբողջական տարբերակով iOS և Android համակարգերի համար այն հասանելի կլինի այս տարվա օգոստոսին: Նախատեսվում է նաև ունենալ web տարբերակ:

Նշենք, որ նախագիծն իրականացվել է Եվրամիության  և «Թումո» ստեղծարար տեխնոլոգիաների կենտրոնի համագործակցությամբ:

 

Նունե Գրիգորյան