Tesla ընկերությունն սկսել է Model 3 բյուջետային էլեկտրամեքենայի վաճառքը: Էլոն Մասկը Կալիֆոռնիայի գործարանում գնորդներին է փոխանցել առաջին 30 մեքենան: Արժեքը 35 000 դոլար է, որը 2-3 անգամ էժան է ընկերության նախկին Model S և X-ից:
Նշենք, որ Tesla-ն ստացել է արդեն նոր մոդելի ավելի քան կես միլիոն նախնական պատվեր: Մեկ լիցքավորմամբ Model 3-ը կկարողանա անցնել գրեթե 340 կմ ճանապարհ, իսկ այն լիցքավորելու համար վարորդները կարող են օգտվել Supercharger լիցքավորման կայաններից: Հավելյալ 9 000 դոլարի դիմաց կարելի է ստանալ ավելի հզոր մարտկոց, որը կբավարարի 499 կիլոմետրի համար:
100 կմ/ժ արագություն ավտոմեքենան զարգացնում է ընդամենը 6 վայրկյանում: Ավտոմեքենայի դիմացի և ետևի մասերում գտնվում են բեռնախցիկներ, քանի որ այն չունի ավանդական ներքին այրման շարժիչ:
Էլեկտրամեքենայի մեջ կարող են շատ հանգիստ տեղավորվել մինչև 5 ուղևոր: Մեծ ուշադրության է արժանացել նաև ավտոմեքենայի անվտանգությունը:
Tesla ընկերությունը մտադիր է 2017 թվականի օգոստոսին արտադրել Model 3-ի 100 ավտոմեքենա, սեպտեմբերին՝ ևս 1500-ը, իսկ դեկտեմբերին հասնել ամսական 20 հազար ավտոմեքենայի արտադրության:
S, 3, X on a bridge pic.twitter.com/2E57xqkTVY
— Tesla (@Tesla) July 29, 2017
